Friday, April 8, 2011

ഒരു കുറ്റസമ്മതം, ഒരു പ്രതിജ്ഞ

അന്ന ഹസാരെ എന്ന വ്യക്തിയെ എനിക്കറിയില്ല. അദ്ദേഹത്തിന്റെ വിശ്വാസ പ്രമാണങ്ങള്‍ അറിയില്ല. പക്ഷെ,എന്റെ സ്വന്തം ലോകത്ത് നിന്ന് പുറത്തു വന്നു ഒരു നിമിഷം ഒന്ന് ചിന്തിക്കാന്‍ അദ്ദേഹം എന്നെ പ്രേരിപ്പിക്കുന്നു.
അഴിമതി ഇന്നും ഇന്നലെയും തുടങ്ങിയതല്ല.എല്ലാം കണ്ടും കേട്ടും, ഇതൊന്നും എന്നെ ബാധിക്കുന്ന കാര്യങ്ങള്‍ അല്ലെന്നു കരുതി ജീവിക്കാനാണ് ഞാന്‍ എന്നും ഇഷ്ട്ടപ്പെട്ടത്‌. ഞാന്‍ കഷ്ട്ടപ്പെട്ടു പണിയെടുത്ത് നികുതി അടയ്ക്കുന്ന പണമാണ് കണ്ടവന്‍ കട്ട് മുടിക്കുന്നതെന്ന ബോധം എനിക്ക് ഒരിക്കലും ഉണ്ടായിട്ടില്ല. അതിനി ഉണ്ടാകുമോ എന്ന് അറിയില്ല.

എങ്കിലും, ഈ നിമിഷം മറ്റെല്ലാം മാറ്റി വച്ച് ഞാന്‍ ഒന്ന് ചിന്തിക്കട്ടെ സ്വതന്ത്രമായി! രാഷ്ട്രബോധത്തോടെ ഒന്ന് പറയട്ടെ..
അഴിമതിക്കെതിരെ എന്റെ വോട്ട്!! കണ്മുന്നില്‍ കാണുന്ന അഴിമതിയെ വെള്ളം തൊടാതെ വിഴുങ്ങി, നപുംസകമായി ഒരിക്കലും ജീവിക്കില്ലെന്നു പ്രതിജ്ഞ എടുക്കട്ടെ! ജയ് ഹിന്ദ്‌!